Wèntjerdruim in Zitterd

IMG_10333222694922windowsof.jpgWindows of Opportunity

Mit leich geprojekteierde gedichte en korte verhäölkes euver ’n “wèntjesj” Zitterd tiedes de Wèntjerdruim. Van 15 december 2013 t/m 5 januari 2014 tösje 16 en 22 oer  in de Zittesje bènnesjtad.

’t Leichprojek Window of Opportunity is óngerdeil van de kulturele programmeiering van Wèntjerdruim en wurt dit jaor veur de tweede maol georganiseierd.

Leich is ’n thema in ’t projek dat ummer trök kump, dat jeder jaor verbènjing zuik mit ein anger kunsdiscipline. ’t Aafgeloupe jaor woorte leichobjekte en leichkunswerke getuind in de bènnesjtad van Zitterd in relatie mit design en beeldende kuns i.s.m. de Salon Sittard-Geleen en Museum Het Domein.

Dit jaor is verbènjing gezóch mit taal, poëzie en BiblioNova.

Naeve leich en kultuur is Window of Opportunity ouch gerich op ’t aantrèkkeliker make van de bènnesjtad van Zitterd, door laegsjtaonde winkels of biezunjere lokasiess te gebroeke es ‘canvas’. Ouch wurt ‘r ein kans gebaoje aan versjeie kultuurmakesj óm hun wirk te laote zeen aan ein groot publiek.

In totaal zeen d’r zeve gedichte/verhäölkes oetgekaoze die drie waeke langk geprojekteierd waere. De versjillende lokaties en informatie euver de sjrievers/dichters sjtaon in ‘ne folder en op de projekwebsite en de websites van de Zittesje VVV en Wèntjerdruim.

Advertenties