WAT TRUFT MICH HUUJ ?

WAT TRUFT MICH HUUJ ?

Zach kump de zón
uëver de Peer Guint suite op
d’r zit nog mist in mien ouge
je t’embrasse zing ich nog
meh de luuj die ich huuj
nog treffe zal
zulle op de Prokovjev
van mien hart trappe
mit ’t dies irae
van hunne marche funèbre
en Bach sjpieëlt
op ziene boekörgel
weine keine Träne um mich
of toch zoeë get
ómdat ’t zjwanemeer al vol is.

Is muziek
dan allein mer ‘ne aidsremmer?

Ich sjöddel mien haore
wie ‘ne hónd
en trap mit aope ouge
vuurzichtig
op de nuje daag.

Doe kaoms doe

en vier sjpieëlde
in parsdisum.

(c) Colla Bemelmans

Advertenties