John Hertogh

mit buikskeGebaore (1949) en getaoge in Zitterd. Veertig jaor gewirk in ’t leger óngerwies.
Saer 2011 ben ich lid van deze Sjrieverskrink Veldeke, wovan ich ouch deze blog beheer.
Naeve ’t sjrieve doon ich gaer wanjele in de Eifel, in ós eige Kolleberg en de res van Zuid-Limburg. Ich hawt ich mich gaer bezig mit de kleinkènjer, mit goud aete en drènke en get klómmele op de computer. Veur Vlado Kumpan, hafabra-meziek en dixieland oet New Orleans kèns te mich ummer wakker make en ouch dialekbands wie de Bläck Fööss oet Kölle of de Schintaler heur ich gaer sjpele. En ouch ich gaon dèks nao ’t Sjtreektoneel.

Kiek ouch op mien  mien blog zittesj.wordpress.com 

versjtaot uch  

wie water en vuur
wie chóklaad, mèlk en puur
wie nao veure Fortuna 
en los joa van kloeb Roda

wie water en vuur
wie Kolleberg en Côte d’Azur
wie babbelaere, zuit en zoer
klein aerpel en kóntente boer 

wie water en vuur
wie gans billig en paeperduur
wie werm beier en kawwe wien
wie zeker en nog neit mesjien

wie water en vuur
wie drank en óntwènningskuur
wie de imam en pesjtoor
wie hardrock en gemenk koor

wie water en vuur
wie de trainer en besjtuur
wie Trump en Vladimir Poetin
is dit ’t ènj of ein begin?

versjtaot uch.

 160620© johnhertogh-zitterd

houndervel

naamdich

vastelaovend

laeze

herfs

sjrieve

lilili-daag gedich