laeze

 

wie ich nog ’n junkske waar,

góng ich dèks nao de bieb in ’t patronaat

lous dao van kesjtele, riddesj en soldaote

van kojbojs, indiane en van pim pandoer

 

wie ich later nao de mulo góng

mous ich laeze , haw dèks geine zin

druimd’ euver kesjtele, riddesj en soldaote

van kojbojs, indiane en van pim pandoer

 

en nog get later, wie ‘ch sjoolmeister woort

lous ich gans gaer veur, soms jederen daag

vertèlde van kesjtele, riddesj en soldaote

van kojbojs, indiane en van pim pandoer

 

noe ich d’n tied höb om gans väöl te laeze

begin ich nog èns aan al die aw buiker

die euver kesjtele, riddesj en soldaote

van kojbojs, indiane en van pim pandoer