Kirchroa jeet plat! 2017

Op zóndig 10 september doon ós lede  Annie, Colla, John, Mia en Thei mit aan Krichroa jeet plat!

Kómp kieke en loestere oppe Mert (Maat) van Kirchrao! en de sjtraote bie ’t centrum. Vana 11:00 oer pès 19:15.

De veurdraeg van ós lede zeen:

Mia in Restaurant d’r Fainsjmekker 14:25

Annie’ouch  in d’r Fainsjmekker 15:45

John in café de Wieëtsjaf óm 15:00

Thei in Grieks rest. Kouros óm 15:00

Colla ouch dao óm 15:55

De tieje zeen óngeveer tieje, dus…

Advertenties

14 juli 2017 “Informeeltje”

Ós jaorlikse informeeltje woort dit jaor georganiseierd door Toos.

Veer zeen nao de basiliek van Odilienberg gewaes ’t museum d’r naeve. Gans intressant.

De middig woort aafgesjlaote mit ei heerlik werm en kawd beffèt in Mofert.

Fotoos zeen óngerwaeg.

 

2 april: Colla’s nuut bouk: Ouw leedjes veur noe

Veldeke Limburg haet Colla  ei sjtipendium toegekènd veur ei bezunjer project: d’n teks van ’t Hoogleid vertale in ’t Limburgs. Om dat te doon haet hae versjillende vertalinge van de biebel naevenein gelag en op basis daovan zienen teks in de taal  van zien geboorteplaatsj Nuth gesjreve. Daonaeve haet hae ei vieftigtal psalme “hertaald” nao d’n tegenwoordigen tied.

Ouw leedjes vuur noe leet de oetzunjerlike krach van ’t Limburgs zeen es dao ‘nen echten dichter aan ’t werk is. De leifde, ’t laeve en d’n dood oet de biebel kènne väöl directer bie de luuj gebrach waere door de ouge vaan Colla . ’t Bouk is geïllustreierd mit sjilderieje van Wim van Ratingen, sjilder oet Nuth. ’t Wurt oetgegaeve door TIC en is bènnekort te koup veur € 14,90.

’t Bouk wurt geprizzenteierd op zóndig 2 april a.s. óm 14.00 oer in café I gen Dörp, Körnerstraot, Wienandsrade. Geer zeet van harte oetgeneud.