winter haiku

 

wintjer-haiku

 

 

de eerste vreesnach

deej sjtil en sjlupend ’t werk

van eine orkaan

 

 

os en aezel, twee

ónneuzel dere waere

in ere hersjtèld

 

 

väöl ónbewuste

akrobate sjtaon knap sjterk

op waersje sjaatse

 

 

beriemde puntjdraod

wreed grensgeveul noe vrejig

wit gevaerd kunswerk

 

 

kawwe wintjer-troos

ouch dees iespegeltraone

doere neet eeuwig

 

 

en ’t wintjers sjpaor

begreef alle sezoene

iezig laog veur laog

 

Advertenties